Gwasanaethau
Ydych chi’n dyheu am gael trefn ar eich tŷ neu weithle?
Hoffech chi dderbyn cymorth i gychwyn a gorffen y dasg?
Byddaf yn:
- Gwrando ar eich anghenion, pryderon a gobeithion
- Helpu chi i ddidoli eich eiddo a chael gwared ar bethau di-angen
- Ystyried eich gofod a chynnig amrywiaeth o syniadau i gael y mwyaf o’r lle sydd ar gael
- Defnyddio nwyddau sydd eisoes yn y cartref, neu argymell offer neu systemau addas
- Parchu eich eiddo
- Cynnig cyngor mewn modd tawel a di-duedd, heb feirniadaeth
Tacluso a Thwtio Cyffredinol
Medraf gydweithio efo chi i gael trefn ar ystafelloedd unigol neu’r ty gyfan. Efallai bod y cwpwrdd dan y grisiau yn boen meddwl i chi? Neu tybed ydych chi am gael trefn ar y lolfa? Beth am deganau’r plant? Pa bynnag reswm sydd gennych dros fod eisiau cymorth, medraf gynnig gwasanaeth broffesiynol a chyfeillgar. Cysylltwch â mi i drafod eich gofynion.
Gwaith Papur
Ydych chi’n gweld bod angen rhoi trefn ar eich gwaith papur, amlenni neu ffolderi? Medraf gydweithio gyda chi i dacluso unrhyw waith papur sydd o gwmpas eich cartref neu weithle, a rhoi systemau syml ar waith i’ch helpu chi gynnal trefn tu hwnt i’r sesiwn twtio.
Lleihau, Trefnu, Symud
Efallai eich bod yn paratoi i symud o’r cartref teuluol i gartref llai, a bod angen help arnoch i drefnu blynyddoedd o eiddo. Neu efallai eich bod yn gwerthu’r cartref ac angen trefnu a thacluso cyn ei roi ar y farchnad. Mae'n bosibl eich bod yn bwriadu symud ond wedi eich llethu gan y dasg o bacio a phenderfynu beth i'w drosglwyddo i’r cartref newydd. Beth bynnag yw eich sefyllfa, gallaf eich cefnogi gyda phob agwedd ar dacluso, trefnu, pacio a dadbacio—gan helpu i wneud y cyfnod mor llyfn a di-straen â phosibl.
Cefnogaeth gyda Gorgasglu
Os ydych chi'n barod i dderbyn cefnogaeth a gwneud newidiadau cadarnhaol i oresgyn tueddiadau celcio, rydw i yma i helpu. Fel gweithiwr proffesiynol cymwysedig, rwy'n cynnig cymorth tosturiol, heb feirniadu. Rwy’n deall bod y daith hon yn aml yn llawn heriau emosiynol ac yn cymryd amser, a byddaf yno bob cam o’r ffordd i’ch cefnogi.
Yn ogystal, rwy’n cynnig cymorth, cyngor ac ymgynghoriaeth arbenigol i deuluoedd, landlordiaid, cymdeithasau tai, a chynghorau sy’n gweithio gydag unigolion sy’n cael trafferth celcio. Os oes angen cymorth arnoch i reoli sefyllfaoedd sensitif, cymorth hirdymor, neu syniadau am sut i fynd i’r afael â heriau gorgasglu, gallaf eich helpu i ymdrin â’r sefyllfa gyda gofal a phroffesiynoldeb.
